我左膝的腳患時好時壞,多雙高跟鞋已被打入冷宮多時,我這個主人亦感唏噓.

只是近日左膝愈來愈痛,前日ex過來找我食飯,落樓梯時我要像剛學懂走路的bb咁一步一步落.

"死囉!"ex搖頭說,還說我明明矮又要扮高著高跟鞋,以致有今天下場.

又有大巴大巴打落去的衝動,最後還是忍住了.

今天一收工就去看醫生.

"小姐你一身運動裝打扮,平日是否愛做運動?"原來看開的醫生放大假,來了另一個女醫生.

"唔係.我平日唔郁既.今日要戶外工作,才穿成這樣."我說,其實我今天的訪問是要攀山涉水.

"總之我而家落樓梯要彈下彈下,似長短腳,又唔可能追巴士."我再具體一點.

"你個膝頭腫得好緊要,發炎好嚴重,要立即打消炎針."二話不說就拿起針來.

她問我打屁股還是手,我說打屁股好.我常覺得屁股好肉地,應該無咁痛.

"休"好褲後她又說要替我在針口貼膠布,我說不用了,又沒有血滲出來.

"唔係喎!你將病咭寫住一定要貼膠布的."醫生說.

真係O咀.